Бүртгүүлэх хүсэлттэй иргэд цагдаагийн газрын хүний нөөцийн ахлах мэргэжилтэн, цагдаагийн хошууч П.Алтантуяа /88083299/-тай холбогдоно уу.

Албан тушаалд тавигдах ерөнхий шаардлага:

• Монгол Улсын иргэн байх,
• Монгол хэлний ярианы болон бичгийн чадвартай байх, /Монгол хэл бичгийн дүрэм, үг зүй, найруулга зүйн зохих мэдлэгтэй/,
• Гэмт хэрэг үйлдэж, ял шийтгүүлж байгаагүй,
• Сэтгэцийн өвчин, эмгэггүй байх,
• Бүрэн дунд болон түүнээс дээш боловсролын зэрэгтэй байх,
• Хуулийн дагуу цэргийн жинхэнэ алба хаах үүрэг хүлээсэн иргэн үүргээ биелүүлсэн байх /цэргийн албыг биеэр хаасан болон оюутан цэрэг, дүйцүүлэн хаасан/,

Албан тушаалд тавигдах тусгай шаардлага:

• Биеийн өндөр эр 170 см буюу түүнээс дээш, 30 хүртэл настай,
• Цагдаагийн алба хаагчийн сахилга, ёс зүйг сахиж, тогтвор суурьшилтай хариуцлагатай ажиллах,
• Нөхцөл байдлыг зөв үнэлж, шийдвэр гаргах, багаар ажиллах, иргэдтэй зөв боловсон харилцах ур чадвар эзэмшсэн байх, хувийн зохион байгуулалт сайтай, ажлын ачаалал даах чадвартай байх,
• Автомашины засвар үйлчилгээ, оношлогоо хийх /цагдаа жолооч/,
• 3-аас доошгүй жил тээврийн хэрэгсэл жолоодсон туршлагатай байх, жолооны В, С ангилалтай байх,

Шалгаруулалтад бүртгүүлэхэд бүрдүүлэх баримт бичиг

• Өргөдөл / өөрийн гараар бичиж, гарын үсэг зурах, холбоо барих утас, регистр, гэрийн хаяг бичсэн байх/
• Биеийн байцаалт (Төрийн албаны зөвлөлийн 2019 оны 05 дугаар тогтоолын 1-6 дугаар хавсралтаар баталсан “Төрийн албан хаагчийн анкет”-ын дагуу бүрэн бичсэн байх)
• Боловсролын түвшинг тодорхойлсон баримт бичиг /диплом/ Хэрэв гадаад улсад их, дээд сургууль төгссөн бол боловсролын баримт бичгийн баталгаат орчуулгыг хавсаргах
• Сурагчийн хувийн хэрэг
•  Иргэний үнэмлэх
• 3 үеийн намтар / 1 хүний намтар А4 цаасан дээр бичих/
• Оршин суугаа хаягийн тодорхойлолт
• Цэргийн үүрэгтний үнэмлэх 
• Урьд нь ажил, хөдөлмөр эрхэлж байсныг гэрчлэх баримт /нийгмийн даатгалын дэвтэр, хөдөлмөрийн дэвтэр/-ийн эх хувь; албанаас чөлөөлөгдсөн бол тушаалын хувь; архивын лавлагаа/
• "4 х 6” хэмжээний цээж зураг 4ш         

Тайлбар:

           - Дээр дурдсан баримт бичгийн үнэн зөвийг хүсэлт гаргасан иргэн өөрөө хариуцна.

           - Төрийн албан хаагчийн анкет, шалгалтад бүртгүүлэх тухай хүсэлтэд өөрийн гарын үсгээ зурсан байна.

             - Биеийн ил харагдах хэсэгт болон 18-аас дээшгүй хувьд шивээс, нүүрэнд илэрхий сорви, мэс заслын оёдол болон гажиггүй байх,

                                          ХЭНТИЙ АЙМАГ ДАХЬ ЦАГДААГИЙН ГАЗАР